Հոկտեմբերի 15-ին Երևանի մի շարք փողոցների երթևեկությունը ժամանակավորապես կդադարեցվի

Հոկտեմբերի 15-ին Երևանի մի շարք փողոցների երթևեկությունը ժամանակավորապես կդադարեցվի 628

Հոկտեմբերի 15-ին՝ առավոտյան ժամը 07:00-ից մինչեւ 13:30-ը,  մայրաքաղաքի որոշ հատվածներում կիսամարաթոնի անցկացմամբ պայմանավորված ժամանակավորապես կդադարեցվի երթեւեկությունը:

Ժամը 07:00-ից տրանսպորտային միջոցների համար նշված ժամանակահատվածում փակ կլին մասնավորապես Վ. Սարգսյան փողոցի` Ստ. Շահումյանի անվ. հրապարակից Հանրապետության հրապարակն ընկած հատվածը:

Ժամը 08:00-ից փակ կլինի Հրազդանի կիրճի` Ուրուգվայի հրապարակից մինչեւ Դավթաշենի կամուրջն ընկած հատվածը:

Ժամը 08:30-ից փակ կլինեն Ստ. Շահումյանի անվ. Հրապարակը, Վազգեն Սարգսյան փողոցը, Հանրապետության հրապարակը,  Նալբանդյան, Վարդանանց, Ալեք Մանուկյան, Իսահակյան, Թամանյան, Մոսկովյան, Սարյան, Լեոյի, Պարոնյան փողոցները, Հրազդանի կիրճը, Աթենքի թողոցը, Հաղթանակի կամուրջը, Մ. Մաշտոցի պողոտայի` Հաղթանակի կամրջից Գր. Լուսավորչի փողոցն ընկած հատվածը, Գր. Լուսավորչի, Բեյրութի, Աբովյան փողոցի`  Պուշկինի փողոցի եւ Հանրապետության հրապարակն ընկած հատվածը, Պուշկինի, Նալբանդյան  փողոցները եւ Սախարովի հրապարակը: