«Քեզնից ի՞նչ կին, ա՛յ բ…». Մշակույթի վաստակավոր գործիչ Իգիթյանը՝ Երկիր Ծիրանիի ավագանու կին անդամներին

«Քեզնից ի՞նչ կին, ա՛յ բ…». Մշակույթի վաստակավոր գործիչ Իգիթյանը՝ Երկիր Ծիրանիի ավագանու կին անդամներին 1310

Երեւանի քաղաքապետարանում այսօր ավագանու հերթական նիստն էր գումարվել։ Երկիր Ծիրանի խմբակցությունը պարբերաբար դժգոհում եւ դեմ էր քվեարկում 4 հոգու Երեւանի պատվավոր քաղաքացու կոչում շնորհելու մասին հարցերին։ Հանրապետական խմբակցության անդամները տեղից արձագանքում էին արտահայտած մտքերին։

ՀՀԿ-ի ավագանու անդամ Լեւոն Իգիթյանը պարբերաբար վրդովվում էր, տեղից ռեպլիկներ անում Երկիր Ծիրանիի ավագանու անդամների վերաբերյալ, նրանց հայհոյում։  Երկիր Ծիրանիի ավագանու անդամները իրենց նկատմամբ պահանջեցին հարգալից վերաբերմունք՝ շեշտելով, որ իրենք կին են։ Սրան հակադարձեց Լեւոն Իգիթյանը

«Ասում են՝ կնոջը վիրավորում են, քեզնից ի՞նչ կին, ա՛յ բ…»: Նրա կողքի նստած ՀՀԿ-ականները սկսեցին ուրախանալ Իգիթյանի խոսքերի վրա։ Նման մի իրավիճակ էլ ստեղծվեց այն ժամանակ, երբ Երեւանի փոխքաղաքապետ Կամո Արեյանը Երկր Ծիրանիի անդամների վերաբերյալ խոսում էր Իգիթյանի հետ։ Վերջինս, դառնալով իր կողքին նստած ավագանու անդամ Կամո Հովհաննիսյանին, ասաց. «Քաղաքաշինությունից ա խոսում, այ … պիդ…»:

Ի դեպ, նշենք, որ բացի Լեւոն Իգիթյանից, Երեւանի ավագանու այսօրվա նիստում իրենց բառապաշարով «փայլել են» նաեւ փոխքաղաքապետ Կամո Արեյանը, ով ըննդիմադիրներին դիմելով ասաց. «ռեխներդ փակեք, վեր ընկի տեղդ», նաեւ ՀՀԿ խմբակցությունից Արմեն Սահակյանը, ով «Երկիր Ծիրանիի» անդամներին դիմեց այսպես. «Արա, էս ով եք դուք»: