ԼՈՒՍԱՆԿԱՐՆԵՐ. Հոլիվուդյան սցենարով գողություն ԱՄՆ-ում՝ հայ երիտասարդների մասնակցությամբ

ԼՈՒՍԱՆԿԱՐՆԵՐ. Հոլիվուդյան սցենարով գողություն ԱՄՆ-ում՝ հայ երիտասարդների մասնակցությամբ 349

Գլենդելի ոստիկանությունը գողության կասկածանքով 2 տղամարդու և մեկ պատանու է ձերբակալել այն բանից հետո, երբ ականատեսը պատմել է, որ ԱՄՆ նախկին նախագահ Ռոնալդ Ռեյգանի դիմակներով կասկածելի 2  անձ փորձել է բնակարան մտնել: Այս մասին հայտնում է Los Angeles Times-ը:

Նշվում է, որ նույն ժամանակահատվածում երրորդը սպասելիս է եղել մեքենայում: Գողերը մեքենայով փախուստի են դիմել:  Ականատեսը, ով մինչ այդ արդեն ոստիկանություն էր կանչել, իր մեքենայով հետևել է գողերին: Ոստիկաններին հաջողվել է կանգնեցնել մեքենան և ձերբակալել նրանց: Մեքենան խուզարկելու ընթացքում հայտնաբերվել են ԱՄՆ 40-րդ նախագահի դիմակը, հրազեն, թալանված թանկարժեք զարդեր և բանկային քարտեր:

Ձերբակալվածներից երկուսը՝ 20-ամյա Գագիկ Սարգսյանը և 18-ամյա Նարեկ Մարտիրոսյանը բանտում են, իսկ երրորդ անձը, ով 17 տարեկան է, և ում ազգության մասին ոչինչ չի նշվում, տեղափոխվել է անչափահասների համար նախատեսված կալանավայր:

Հավելենք նաև, որ լրատվամիջոցը տեղի ունեցածը համեմատել է 1991 թ.-ի «Ալիքի կատարին» ֆիլմի հետ, որում ՀԴԲ-ն հետաքննում է «նախկին նախագահներ» անվանումով ավազակախմբի գործը: