ՏԵՍԱՆՅՈՒԹ. Մոսկվայում իսլամական խմբավորման մոտ 70 մարդ է ձերբակալվել

Այսօր ՌԴ Դաշնային անվտանգության ծառայության և ՆԳՆ աշխատակիցները  Մոսկվայի շրջանում ձերբակալել են «Թաբլիգի Ջամաատ» իսլամական խմբավորման 69 անդամների։ Այս մասին հայտնում է НТВ-ն՝ հավելելով, որ էքստրեմիստական խմբավորման ղեկավարները ծագումով Կենտրոնական Ասիայից են, անդամների թվում կան նաև ՌԴ քաղաքացիներ: 

«Թաբլիգի Ջամաատ»-ը իսլամական միջազգային էքստրեմիստական կազմակերպություն է, որի գործունեությունը Ռուսաստանում արգելված է 2009 թ-ից: Համարվում է, որ կազմակերպության գործունեությունը միտված է եղել ՌԴ տարածքային ամբողջականությունը խախտելուն, երկրի քաղաքացիներին կրոնական խտրականության ենթարկելուն և միջազգային ահաբեկչական կազմակերպություններին ֆինանսավորելուն: