Այսուհետ քամանչան նույնպես ադրբեջանական «մշակույթի» նմուշ

Այսուհետ քամանչան նույնպես ադրբեջանական «մշակույթի» նմուշ 350

Քամանչա երաժշտական գործիքի պատրաստումը և դրա կատարողական արվեստը ՅՈւՆԵՍԿՕ-ի կողմից ճանաչվել է Ադրբեջանի և Իրանի մշակույթի նմուշ և ներառվել է ոչ նյութական մշակութային ժառանգության ներկայացուցչական ցանկում: Այդ մասին հայտնում է minval.az-ը՝ վկայակոչելով Ադրբեջանի մշակույթի և զբոսաշրջության նախարարության մամուլի ծառայությանը:

«Հարավային Կորեայում անցկացվող Ոչ նյութական մշակութային ժառանգության պահպանության միջկառավարական հանձնաժողովի 12-րդ նստաշրջանում Ադրբեջանի և Իրանի կողմից համատեղ ներկայացված «Լարային երաժշտական քամանչա գործիքի պատրաստումն ու դրա կատարողական արվեստը» ներառվել է ՅՈւՆԵՍԿՕ-ի ոչ նյութական մշակութային ժառանգության ներկայացուցչական ցանկում»,- ասված է հաղորդագրությունում:

Նշենք, որ Ադրբեջանի կողմից ներկայացված տոլմա ճաշատեսակի պատրաստման ավանդույթը ՅՈՒՆԵՍԿՕ-ի կողմից ընդգրկվել էր ոչ նյութական մշակութային ժառանգության ցանկում: