ՏԵՍԱՆՅՈՒԹ․ Հարցրեք այս կեղտոտ հային. ամերիկացի հաղորդավարը «նվաստացրե՞լ է» հայերին

ԱՄՆ-ում ամենօրյա Daily Show հաղորդման հաղորդավարը թողարկումներից մեկում ԱՄՆ նախագահ Դոնալդ Թրամփի հերթական թվիթերյան գրառումը մեկնաբանելիս  այն համեմատել է «կեղտոտ հայ» («filthy Armenians») արտահայտության հետ։ 

Ամերիկայի հայ փաստաբանների ասոցիացիան էլ հայտարարությամբ բողոքել է  հայերի վերաբերյալ հնչած ձևակերպման դեմ՝ այն անվանելով խայտառակություն: Նրանք նաև ակնկալում են ներողություն։ 

Ի դեպ,  Թրամփն իր գրառման մեջ նշել էր, որ իր  կարևորագույն հատկանիշները եղել են մտավոր վիճակի կայունությունը և խելացի, ոչ թե պարզապես խելացի, այլ հանճար լինելը: Ինչը  հաղորդավար Թրեւոր Նոան մեկնաբանել է այսպես․ «Սա իսկապես ծիծաղելի է: Նույն բանն է, երբ ինչ-որ մեկն ասի՝ Ես իսկապես ամենահանդուրժող մարդն եմ, հարցրեք այս կեղտոտ հայից»։

Հավելենք, որ որքան էլ մեզ համար հասկանալի լինի Ամերիկայի հայ փաստաբանների ասոցիացիայի արձագանքը այդ արտահայտության կապակցությամբ, այնուամենայնիվ, դիտելով  ամբողջական տեսանյութը  և հաշվի առնելով հաղորդման ֆորմատը, մենք նույնկերպ հաղորդավարի հայտարարությունը կարող ենք համարել չստացված, անհաջող սարկազմ: Ի վերջո, Թրամփի թվիթերյան գրառման անհավանականությունը ցույց տալու համար կարելի էր օգտագործել նաև առավել տեղին համեմատություն:

//