5 հայ ուղևորներ Թբիլիսիի փոխարեն վայրէջք են կատարել Բաքվում

5 հայ ուղևորներ Թբիլիսիի փոխարեն վայրէջք են կատարել Բաքվում 1603

Հունվարի 8-ին Չինական ավիաուղիներին պատկանող Պեկին-Թբիլիսի չվերթն իրականացնող օդանավը, որում եղել է ազգությամբ հինգ հայ, որից երեքը՝ ՀՀ քաղաքացի, վայրէջք է կատարել Բաքվում։ Այս մասին Tert.am-ի հետ զրույցում ասաց  օդանավի ուղևոր Իդա Մնացականյանը՝ ավելացնելով, որ հայերից մեկը 5-ամյա երեխա է եղել: 

«Երեք օր առաջ Պեկին-Թբիլիսի չվերթն իրականացնող օդանավը մի քանի պտույտ տվեց, և ըստ օդանավի անձնակազմի բացատրության՝ չկարողացավ վայրէջք կատարել մառախուղի պատճառով: Մենք օդանավի անձնակազմին հայտնեցինք, որ չենք ցանկանում, որ օդանավը վայրէջք կատարի Բաքվի օդանավակայանում, որովհետև օդանավում հայեր կան և պետք է գտնել այլ այլընտրանքային տարբերակ: Սակայն մեզ չլսեցին և օդանավը վայրէջք կատարեց Բաքվում»,-ասաց Մնացականյանը:

Նա հայտնեց, որ բացի այն, որ օդանավը վայրէջք է կատարել Բաքվում, անձնակազմից իրենց չեն մոտեցել և արգելել են նրանց մնալ օդանավի մեջ: «Մեզ մոտեցավ Բաքվի օդանավակայանի մեկ աշխատակից, ասաց, որ տեղյակ է, որ ազգությամբ հայեր ենք, հորդորեց ինքնաթիռում թողնել անձնագրերը և դուրս գալ չեզոք գոտի: Մենք այդպես էլ արեցինք, ամուսնուս և երեխայիս անձնագիրը թողեցինք օդանավակայանում, ես վերցրեցի իմ անձնագիրը, որովհետև ես և երեխաս ԱՄՆ քաղաքացիներ ենք, ամուսինս՝ Հայաստանի: 12 ժամ մնացինք Բաքվի օդանավակայանում։ Այն հատվածը, որը տրամադրել էին մեզ, միայն հայերով էինք գտնվում»,-ասաց Մնացականյանը:  

Շարունակությունը՝ սկզբնաղբյուր կայքում:

//