Դո՛ւրս արեք նրանց. Մեզ աշխարհի կեղտոտ խորշերից փախստականներ պետք չեն. Թրամփ

Դո՛ւրս արեք նրանց. Մեզ աշխարհի կեղտոտ խորշերից փախստականներ պետք չեն. Թրամփ 290

Զանգվածային լրատվամիջոցներն արդեն 2 օր է, ինչ ողողված են ԱՄՆ նախագահ Դոնալդ Թրամփի հերթական արտահայտության մասին հրապարակումներով: «Աշխարհի կեղտոտ խորշերից մեզ փախստականներ պետք չեն, ինչո՞ւ ենք մենք ցանկանում, որ այդ մարդիկ գան այստեղ»,- ասել է նա:

CNN-ը հաղորդում է, որ Սպիտակ տան Օվալաձև սրահում մի խումբ սենատորներ Թրամփին ներկայացրել էին մասնավորապես Աֆրիկյան երկրների, Հայիթիի, Սալվադորի փախստականների հարցերով առաջարկներ: Դրան ի պատասխան՝ Դոնալդ Թրամփն օրենսդիրներին ասել էր, որ ԱՄՆ-ին պետք են քաղաքակիրթ երկրներից փախստականներ, ինչպես օրինակ նորվեգացիներն են: «Ինչու ենք մենք ցանկանում այստեղ տեսնել Հաիթիացիներին: Դուրս արեք նրանց»,- ասել է ԱՄՆ նախագահը:

Ի դեպ, այս հայտարարությունից հետո Թրամփին շատերը մեղադրում են նաև ռասիզմի համար: Դրանից հետո Սպիտակ տունը պաշտոնական մեկնաբանություն հրապարակեց, որում նշվում է, որ նախագահը ներգաղթի քաղաքականությունն աջակցում է այն մարդկանց համար, ովքեր «կարող են ներդրում ունենալ իրենց հասարակությունում»:

Նշենք, որ առաջին դեպքը չէ, երբ Թրամփը բավական «համարձակ» կերպով է խոսում փախստականների մասին: Նա բազմիցս հայտարարել է, որ փախստականների ներգաղթը պետք է ընտրողաբար լինի, իսկ նախապատվությունը պետք է տալ կրթված, առավել խելացի և քաղաքակիրթ մարդկանց: 2017 թ.-ի վերջին Թրամփը նույնիսկ մտադրվել էր չեղարկել «Green Card»-ի խաղարկությունը՝ այն խելագարություն որակելով:

//