Պատգամավորը ծեծել է DJ Smash-ին՝ իր հետ սելֆի չանելու պատճառով

«Սա տեսանյութ է միայն մեկ տեսախցիկից։ «Նախկին պատգամավոր», վստահ եմ՝ զգացիր, որ քո անձեռնմխելիությունը ոչինչ չարժե քրեական պատասխանատվության դեմ։ Բոլոր ծանրացուցիչ հանգամանքները հաշվի առնելով՝ նա պետք է 3-5 տարի նստի, օդափոխվի, կյանքի մասին մտածի». սա ինսթագրամյան իր էջում գրել է ռեփեր Թիմաթին՝ անդրադառնալով ավելի վաղ DJ Smash-ի՝ պատգամավորի կողմից դաժան ծեծի ենթարկվելուն:

Նշենք, որ դեպքը տեղի էր ունեցել Պերմի «Дом Культуры» գիշերային ակումբում: Թիմաթին գրում է, որ դիջեյը ծանր վնասվածքներ էր ստացել պատգամավոր Ալեքսանդր Տելեպնևից, երբ իբր հրաժարվել էր սելֆի անել վերջինիս հետ։

«Տելեպնև Ալեքսանդր Ալեքսանդրովիչը (Պերմի շրջանի պատգամավոր, ձեռնամարտի վարպետ) շաբաթ առավոտյան իր վախկոտ ընկերոջ հետ, ոչ սթափ վիճակում (ամենքիչը 15 մարդ կարող է վկայել այդ մասին) կոտրել է DJ Smash-ի ծնոտն ու գլխուղեղային վնասվածքներ հասցրել նրան, ուշադրություն, այն պատճառով, որ նա հրաժարվել է սելֆի անել: Լսիր, այ աքաղաղիկ, դու պրոֆեսիոնալ ես, չէ՞: Բայց տապալել ես մի տղայի, որը կռվել չգիտի, իսկ դիջեյի պայուսակից ավելի ծանր ոչինչ չի բռնել ձեռքում»,- գրել էր Թիմաթին: