Կրակոցներ Գավառում. նոր մանրամասներ

Կրակոցներ Գավառում. նոր մանրամասներ 336

ՀՀ քննչական կոմիտեի Գեղարքունիքի մարզային քննչական վարչությունում հարուցվել է քրեական գործ՝ Գավառի բնակչին հրազենային վնասվածք պատճառելու դեպքի առթիվ. մեկ անձ ձերբակալվել է: Նախնական տվյալներով՝ Գավառի բնակիչ Հ.Հարությունյանը հրազենային վնասվածքն ստացել է նույն քաղաքի բնակիչներից մեկի տանն արձակված կրակոցների հետեւանքով։ Դեպքի վայրի զննությամբ հայտնաբերվել են կրակոցի հետքեր, փայտի վառարանում՝ տրորված գնդակ, դրսի արտաքնոցում՝ 6 հատ պարկուճ եւ արնանման հետքեր:

Ավելի վաղ հայտնի էինք, որ հրազենային վնասվածքներով 31-ամյա քաղաքացի է հոսպիտալացվել: Վերջինս Գավառ քաղաքի Հացառատ թաղամասի բնակիչ՝ 31-ամյա Հայրապետ Հարությունյանն է։ Shamshyan.com-ի տվյալներով՝ նա Գավառի բժշկական կենտրոն է տեղափոխվել նախօրեին՝ ժամը 21։00-ի սահմանում,  «զույգ ստորին վերջույթների և կոնքի բազմաթիվ հրազենային վիրավորումներ, աջ սրունքի զույգ ոսկրերի բաց բազմաբեկոր կոտրվածքներ, աջ ազդրի վերին երրորդականի օտար մարմին /գնդակ/» ախտորոշմամբ։