Երթևեկը կաթվածահար է եղել. լարված իրավիճակ մայրաքաղաքում

Երթևեկը կաթվածահար է եղել. լարված իրավիճակ մայրաքաղաքում 702

Աբովյան- Իսահակյան խաչմերուկում վիճաբանություն տեղի ունեցավ վարորդների և ցուցարարների միջև: Վարորդները պահանջում են բացել ճանապարհը, ինչին երիտասարդ ցուցարարները պատասխանում են, որ կարող են իրենց մեքենաները տրամադրել, սակայն խորհուրդ են տալիս համբերել, քանի որ այդ ամենը տևելու է միայն մեկ օր: 

Ամենուր տեսանելի են աղբամաններ: «Ավրորայի» լրատվականը զանգ ստացավ, որ աղբամաններ են տեղադրվել նաև Կոմիտասի պողոտայում:  Նիկոլ Փաշինյանը հորդորում է փակել Ազատության պողոտան, Տիգրան Մեծ պողոտան, իսկ օրինակ կամուրջների հատվածները թողնել, որովհետև այդտեղ մեծ ուժեր են կենտրոնացած: Ի դեպ, «Ավրորայի» թղթակիցը հայտնում է, որ արդեն իսկ բաց է Դավթաշենի կամուրջը: 

Այսօր առավոտյան մետրոպոլիտենի «Երիտասարդական» կայարանի մոտ մի խումբ ցուցարարներ փորձել են խոչընդոտել մետրոպոլիտենի աշխատանքը, սակայն ոստիկանները թույլ չեն տվել։  Նրանք փորձել են մետրոյի գնացքի դռների արանքում կանգնել և այդպիսով դադարեցնել մետրոպոլիտենի աշխատանքը, սակայն ոստիկանները նրանց դուրս են բերել մետրոյի կառամատույցից, իսկ ավելի ուշ նաև կայարանից։ 

Այս պահին նրանք փորձում են կրկին ներս մտնել, սակայն ոստիկանները թույլ չեն տալիս։ Ակցիայի մասնակից ուսանողներն այս պահին փակել են Աբովյան-Կորյուն փողոցների խաչմերուկը։

Նշենք, որ Հայաստանում վարչապետի ընտրությունը կկատարվի վաղը: Այսօր Ազգային ժողովը պետք է ներկայացնի թեկնածուին: