«ԻմՔայլը» հասավ հաղթանակի կամուրջ

«ԻմՔայլը» հասավ հաղթանակի կամուրջ 220

12:30

Նիկոլ Փաշինյանն այժմ Հաղթանակի կամրջի վրա է և պատասխանում է լրագրողների հարցերին: Այս պահին այդտեղ հանգիստ իրավիճակ է:

Օրբելի փողոցում և Հաղթանակի կամրջի վրա ոստիկաններն ու հատուկ ջոկատայինները փորձում են դուրս բերել գետնին նստած քաղաքացիներին։

----- 

Փոքր կենտրոնը Հերացիից Բաղրամյան փողոցի սկզբնամաս, Մաշտոց, երթևեկությունը կասեցված է: Ավելացել է ցուցարարների թիվը: Այս պահի դրությամբ կարելի է արդեն իսկ խոսել մի քանի հազար մարդու մասին: 

Ցույցի մասնակիցները շարժվում են դեպի Երևանի պետական հենակետային բժշկական քոլեջի դիմաց և դասադուլի կոչեր են հնչեցնում: Հաստատության դռները ցուցարարների առջև փակ էին, Փաշինյանի առաջնորդությամբ ցուցարարներին հաջողվեց բացել դուռն ու մուտք գործել շենք: Ցուցարարները շրջում են քոլեջի միջանցքներով և դասադուլի կոչ անում:

Ցուցարարները «Երիտասարդական», «Շենգավիթ», «Բաղրամյան» կայարաններում պառկել են գնացքի դռների ու կառամատույցի միջև և թույլ չեն տալիս, որ գնացքները երթևեկեն։

Ոստիկանները դուրս են բերում ցուցարարներին կայարաններից։

Մետրոպոլիտենի ղեկավարությունն արդեն փակել է մետրոյի մի քանի կայարաններ։ Այս պահին չեն գործում «Մարշալ Բաղրամյան», «Շենգավիթ», «Հանրապետության հրապարակ» կայարանները։