Բաղրամյան պողոտայի ուղղությամբ զինուժ չի տեղաշարժվում

Բաղրամյան պողոտայի ուղղությամբ զինուժ չի տեղաշարժվում 293

ՀՀ պաշտպանության նախարարությունը հերքում է լուրերն այն մասին, թե Բաղրամյան պողոտայում ցուցարարների ուղղությամբ զինվորական շարասյուն է շարժվում։ Այս առնչությամբ հայտարարությամբ է հանդես եկել ՊՆ մամուլի խոսնակ Արծրուն Հովհաննիսյանն իր ֆեյսբուքյան էջում:

«Զինվորական շարասյունը պատկանում է խաղաղապահ բրիգադին, որը վերադառնում է պլանային միջոցառումներից և Արշակունյացով վեր է բարձրանում ձախ գծով, որից հետո թեքվում է ձախ, դեպի զորամասի մշտական տեղակայման վայր»,- գրել է Հովհաննիսյանը։

Նշենք, որ ավելի վաղ լուրեր էին շրջանառվում, թե զինվորական ուժեր և ռազմական տեխնիկա են շարժվում դեպի Բաղրամյան պողոտա։